今日要介紹既係布吉的 珊瑚島 皇帝島 一日遊
其實我地今次報既LOCAL TOUR係 皇帝島一日遊
但去到小巴接既既碼頭
旅行社既人員先通知我地要去兩個島
我都無深入研究有無俾人收多左錢
今次坐既係FAST BOAT 第一站係珊瑚島
D水真係好清好靚阿
今次我地係租用左潛水相機
出島先可以自由自在咁影相
水清
沙幼
導遊提醒一定要帶太陽眼鏡
因為D沙實在太白
黎到依到係自由活動
有好多付費活動參加
例如 水底漫步 香蕉船
由於我地根本無預有依個島
所以無帶錢參加
＊島上所有太陽椅要付費 100B
如果唔俾錢就要放D野係沙上面
建議多人租用一張 有專人看守
嗯。。遠距離看守
之後我地就上返船
去左皇帝島放低唔出海浮潛既團友
去到海中心（？）大家著好救生衣
就跳落海潛啦
團費包括潛鏡同支管
不包括蛙鞋
落水後有工作人員主動拎我部相機幫我影相
都幾多魚嫁 但種類唔多
浮潛時間十分短
其實本來預計有20分鐘
但救生衣SIZE 過大 加上風浪
FAST BOAT又唔方便上落
我第一個就暈浪上返船
之後其他人都相繼上船
提早返到皇帝島
到左皇帝島 導遊安排我地坐依D車
UN左一陣 就到達餐廳
餐廳既景色十分好
不過當然係室外
菜色都係跟團三寶 炒飯 意粉 同炸雞
景色拎足二百分
之後我地坐返車仔去沙灘
皇帝島既沙比珊瑚島更白
而且曬到一個點
係沙灘上自由活動後
就完結今日既行程
＊ 團費唔包括既蛙鞋 係起程時候導遊叫我地租用
因為珊瑚會整傷腳 但去到浮潛地方
水深起碼5米 除非你路飛上身
否則根本連珊瑚條毛都掂唔到
下次精明D可以問下浮潛地方幾深水先決定租唔租
＊如果要玩付費活動一定在珊瑚島玩
因為皇帝島沒有
總結： 下次都係希望只去皇帝島！
沒有留言:
張貼留言